Schnitzelbank 2010

Lokalversion für Wintersingerinne und Wintersinger, ortskundigi Tourischte, mit dä örtliche Verhältnis vertrouti Beizehocker und anderi Inseider.

Nach dr Wildsaujagd – in Wintersinge
d’Jeger leue in dr Hütte – dr Tag usklinge
spöter ghörsch s’Lache – vo dä Wildsäu halle
dr Giller hockt mit sim Auto – in dr Falle

Nid z’wyt, nid z’tüür – isch s’Motto vom Sägesser-Car
Denn goht’s los – mitere lustige Gästeschar
Über Bärge und Täli – bisch nie ällei
Wenn dr Zeder fahrt – chunnsch mit em Cabrio hei

All Johr – ladet d’Gmein zum Ässe i
äs söll ä Belohnig – für alli Hälfer si
dr Hermann Fritz  – dä isch ganz vermässe
für d’Gmein hett är nüt gmacht – aber am meiste gfrässe

Feuf chlini Gmeinrötli – sis z’Wintersinge gsi
ein hett ä neue Job agfange –  jetz isch är nümm derbi

Vier chlini Gmeinrötli – hei z’Wintersinge Sitzig
eine isch dervo gloffe – är findets nümme witzig

Drü chlini Gmeinrötli – sis jetz numme noh
einere goht dr Lade abe – drum will si jetz goh

Zwöi chlini Gmeinrötli – chömme no an d’Gmeini
eine schiesst dr Bättel ane – jetz blibt nur no eini

Ei chlini Gmeinrötin – stoht jetz ganz ällei do
dr Schriber und d’Kassierin – hei dr Huet au gnoh

Ei chlini Gmeinrötin – mir finde das jo flott
aber wenn s’Monika ällei regiert – si mir bald bankrott